Mi votu e mi rivotu suspirannu,
passu li notti interi senza sonnu.
E li biddizzi tò ju cuntimplannu,
li passu di la notti 'nsinu a jornu.
Pi tia nun pozzu ora cchiù durmiri
paci nun havi chiù st'afflittu cori.
Lu vo' sapiri quannu t'aju a lassari,
quannu la vita mia finisci e mori.
Lu vo' sapiri quannu t'aju a lassari,
quannu la vita mia finisci e mori.
Ci penzi quannu nsèmula abballammu
e a siritina cchi sonnu tinemmu?
Ntra l'occhi tutti dui ni taliammu,
n'arrussiau la facci e poi ridemmu.
Abballannu e suspirannu
li manu n'affirrammu e ni stringemmu...
Lu vo' sapiri quannu t'aju a lassari?
Quannu la vita mia finisci e mori.
Lu vo' sapiri quannu t'aju a lassari,
quannu la vita mia finisci e mori.
|
Sei qui: Home >> Musica >> Canti Popolari Siciliani >> Mi votu e mi rivotu
