Li furisteri ca 'n Sicilia sunnu
la guardanu cu granni meravigghia
dicinu ca nun c'è 'nta tuttu u munnu
'n'isula ca la nostra rassumigghia.

La conca d'oru è chidda ca straluci
supra la nivi muncibeddu riri
spanni lu faru la so bianca luci
l'anapu scurri in mezzu a li papiri.

L'aceddi pipitianu a matinata
la zagara d'aranci e minnuliddi
cu la vuccuzza duci e n'zuccarata
cantanu comu cantanu li stiddi.

Lu suli spunta supra la muntagna
d'oru e zicchinu parri raccamata
li picuricchi mezzu la campagna
si mancianu l'ervuzza abbarsamata.

L'amuri è un focu ca nun fa faiddi
picchì 'nta l'arma cuva e nun si viri
cchiù capricciusa di li picciriddi
ti fa ghittari lacrimi e suspiri.

'Nna picciuttedda ca ti voli beni
sulu 'n sicilia tu la poi truvari
lu cori d'amurusi peni
idda sultantu sapi cunsulari.

L'aria e lu suli inchinu l'arma di puisia
sicilia sicilia tu si la terra miavitti 'na crozza.

Di Mungibeddu tutti figghi semu
terra di focu, di canti e d'amuri.
St'aranci sulu nui li pussidemu
e la Sicilia nostra si fa 'nuri.

E di luntanu venunu
li furasteri a massa
dicennu la Sicilia
chi sciauru ca fà!

L'uduro di la zagara si senti
e riturnau la bedda primavera.
Rosi sbucciati a lu suli cucenti.
Sicilia bedda tu si 'na sciurera.

Chi sciauru, chi sciauru
di balicu e di rosi.
Evviva la Sicilia
e l'abitanti so'!